【无阴公】「傻仔」截的士运LeTV 被夹带私逃【无阴公】「傻

买大件家电，唔少人都会选择供应送货服务，宁愿俾多少少钱同等耐少少，但省却自取搬上搬落的麻烦。之但係，仍然有唔少人会心急等唔切，想快啲收到新产品而选择自取。最近网上疯传一段江湖传闻，一名自嘲「傻仔」的苦主自取 50 吋大电视，发现自己架车放唔落，截架的士帮手车返屋企；点知的士司机竟然夹带私逃，车走部电视后逃去无蹤！

根据传闻，事主自嘲「傻仔」一名，最近收到通知指预订的 50 吋 LeTV 终于有货。「傻仔」高高兴兴去拎货，岂料电视连盒实在太大，塞唔入自己架车，于是随手截停一部的士，将电视放进的士后座，讲低地址，就上返自己架车尾随的士打算回家。点知去到长沙湾一个灯位，的士突然「一个屈尾十」，自此失去联络，唯有报警求助。更可惜的是，事主当时刚巧将「车 Cam」拆走，无法摄录证据或的士车牌号码。睇返乐视官网，一部 50 吋嘅 X50 Air，连同月费总价值逾6千港币，而且支援 4K，都唔野少。

乐视得知传闻，都话：「真係好离奇！」虽然未正式收到顾客求助，不过官方就拍心口，话如果事件属实，希望可以送返部电视俾事主咁话；唔知事主会唔会好过少少呢？